Assalamualaikum nsanak!!! baapo kaba hari ko?
Nan Ambo lai alhamdulillah sehat nyak a,
Kali kini Ambo ka ba carito samaso ambo masih manjadi Pelajar. Salamo ambo jadi Siwa lai alun pernah ambo nan mambuek kesalahan yang fatal do. Paliangan ambo nakal sketek nyo, dak lo banyak do. Samaso kelas I, ambo masih menyesuaikan diri samo murid baru, sacaro kawan-kawan yang salokal tu banyak nan indak ambo kenal tapi lamo-lamo akrab juo samo anak-anak tu. Kawan-kawan ambo alhamdulillah lai elok-elok pulo. Salamo bagaua jo anak-anak lokal tu lai ado pulo nan bisa di ajak sebagai kawan akrab atau sahabat lah topeknyo. Inyo yo bona lai mangaroti baa sifat ambo sabananyo. Kelebihan samo kekurangan ambo lai bisa inyo menyikapinyo. Bahkan sampai tamat ambo tetap bagaua samo inyo. Tapi kini nyo ntah dima ko lah, lah ampia lo satahun dak sarobok samo inyo.
Salamo satahun ambo duduak dikelas satu, Tibo pulo lah masonyo ambo duduak dikelas Duo. Nan tapeknyo XI IPS 2. Ambo dek indak lokal IPA karano ambo ambiak jurusan IPS. Yo bona dak minat ambo IPA tu do. Apolai kalau lah baraja FISIKA, yo bona Angkek
Salamo dikelas 2, parangai ambo barubah stek dari kelas 1. Ambo barubah ndak jadi power renjer do, dak lo jadi monster do, tapi ambo barubah sifat dari pandiam ka cerewet, Nakal stek iyo lo. Mungkin gara-gara ambo bakawan jo preman paso pipet gak e nyie. Kawan-kawan ambo tu yo bona ntah lah parangainyo ,,, dak dapek di sobuan do nakal e. Nan cowok samo cewek samo se parangai e nyo.
Bia ambo caritoan stek tentang preman di a
Partamo namonyo SARY. Sari ko pangananyo golak ka golak se nyo. Lucu ndak lucu golak juo. Ntah aponyo lah nan konai ko. Tapi yo bana sero bakawan samo sari ko. Inyo dak pernah menbeda-bedakan kawan do. Kalau ngecek samo inyo masuak taruih.
Kaduo namonyo Novia. Pia ko urangnyo yo bana elok lo. Nan pia ko manuruik toru se. iyo nan awak iyo lo nan inyo, kon indak yo indak lo. yo bana saulah se parangai e nyo. Nan pia ko duduak sabangku samo sari.
Katigo namonyo Winda. Winda ko urangnyo agak egois stek. untuangnyo lai dak banyak. Winda ko satampek duduak jo Ambo. Kok ngecek masalah skill, winda ko diateh kami stek mah.
Kaampek namonyo Dewi. Dewi ko palawak lo urangnyo, inyo dak lo banyak parangai do. Dewi ko acok bana kami paulahan mah, kadang-kadang kami agia gala tukang kredit. mungkin inyo dek urang batak, urang batak tu kan banyak nan jadi tukang kredit mah. tapi kalau dewi ko dak ado kurang meriah kebahagiaan kami nyo e.
Nan Kalimo Suci. Suci ko palawak lo stek, pokoknyo kami tu kalau lah gabuang jadi palawak sadoalahe. Kok masalah baibo-ibo ati yo bana kurang dek kami nyo.golak se isi paruik ko nyo.
Suci ko satampek duduak jo Dewi.
Kaanam Putri, Putri ko yo bana lonjai. Tingginyo yo insyaallah lah. Sadang elok dijadian panggolan. Kok suaro yo bana balawanan samo badan. Suaro gadang kadalam, kok badan gadang kalua.
Ado ciek lai, namonyo Citra, kami biasonyo manggia nyo Icit. Icit ko kalau masalah penampilan agiahan lah ka inyo. mulai dari seragam, jilbab, yo bana rapi, bahkan sapatunyo yo bana mangkilek. Sapu tangan icit ko ado 2 taruih, nan ciek untuk muko, nan ciek lai untuk sapatu nyo. pokok e sapatu nyo tu dak ado nan dek kabuak do. mangkilek toru. kok dibandiang jo kami nan lusuah ko yo bana jauah bedanyo.
Iko nan cewek se mah. nan cowok nyo ado Mamak galang, Anin, Yose, Toruang, Hmmm Masih banyak nan lainnyo lai.
Salamo ambo di kelas 2, ambo tamasuak aktif lah. Abo pernah jadi anggota PASKIBRAKA. walaupun ambo dak tinggi-tinggi bana do. tapi ambon baruntuang tapiliah manjadi anggota. Selain Ambo, Dewi, Suci, samo Putri tapiliah juo. Mungkin gara-gara bodi kami semampai lah :D
dari jadi anggota paski ko ambo bisa dapek piti lanjo mah.
Dibidang olahraga ambo aktif juo nyo nsanak, Ambo aktif di bidang olah raga VOLLEY BALL,
di club volly ko ambo lah aktif dari kelas satu lai. Salamo di SMA ambo taruih pai tandiang samo kawan-kawan nan lain. Alhamdulillah club volly SMA kami manang taruih. iko mungkin gara-gara ado ambo mah nak??? hehe
Kebahagiaan ambo samo kawan-kawan ko dak bisa ambo lupoan salamo-lamonyo do. Sampai kini ambo masih ingek apo-apo se yang alah kami lakuan basamo. Misalnyo sajo Waktu Baraja GEOGRAFI, Salamo ado ibuk di lokal kami lai diam-diam se nyo, yo bana dak tantu apo nan dijalehan ibuk ko do. Ibuknyo yo bana.... Ntah Lah!!! dak ngarati ambo doh. Pokoknyo apo nan ditarangan ibuk ko yo bana dak ado nan nyangkuik di kapalo ko do. ntah ibuknyo yang dak pandai manarangkan, ntah utak kami ko nan lah pakak. tapi ambo raso kesalahannyo talatak samo ibuk nyo nan dak pandai manarangkan. Jadi, ibuk ko dak betah dalam lokal do, tu kalua lah ibuk ko. Nan kami pun Lah sato lo kalua lokal. Salamo di lua lokal kami duduak di Lapangan basket. Dak Lamo siap itu Ibuknyo masuak lokal liak, Salamo diperjalanan manuju lokal tu ibuk ko taruih se mamparatian kami nyo. nan kami ko dak lo nyadar do, ibuk ko lah lain se tampangnyo, mungkin ka berang ka kmi mah, nan kami ko dak juo masuak dalam lokal do, malahan kami nutuik muko kami pakai jilbab. Andehhhh yo bana Bengak rasonyo lah, masak iyo ibuk mancaliak ka kami tu kami mambuang muko!!! tu tambah berang lah ibuk ko. Akhirnyo kami masuak lokal. tibo di lokal kami kanai berang, namo kami ditandoi dek ibuk ko. Hmmmmmmmmmmmmm nasib..... Tapaso kami tarimo lai. lagian iko kesalahan kami juo mah. Harus berani batangguang jawab kalau barani berbuat.
Carito iko salah satu carito kebersamaan kami samaso sakolah. nan lainnyo dak kalah manggiloo lo lai.
Tidak ada komentar:
Posting Komentar